Pembawa acara pemakaman jenazah bahasa jawa biasa
A'uudzubillaahi minasy-syaithaanirrajiim..
Bismillaahirrahmaanirrahiim..
Assalaamu'alaykum warahmatullaahi wabarakaatuh...
Alhamdulillaahilladzii khalaqal mauta walhayaata liyabluwakum ayyukum ahsanu 'amala.Wa Huwal'aziizul ghafuur.Asyhadu an laaa ilaaha illallah.wahdahu laa syariikalah...wa asyhadu anna Muhammadan 'abduhu wabrasuluhu laa nabiyya ba'dah.. qaalallaahu ta'alaa filqur'aanil kariim... A'uudzubillaahi minasy-syaithaanirrajiim..Bismillaahirrahmaanirrahiim... wa basy-syirish-shaabiriinalladziina idzaaa ashaabathum-mushiibatun qaaluuu innaa lillaahi wa innaaa ilaihi raaji'uun..
Ammaa ba'du.
Hadhratal muktaramin, para kiayi, para alim ulama, para ustadz. Para sepuh para pinisepuh, para pejabat pemerintah soho tokoh masyakat ingkang kula mulya aken, Bapak2 dalah ibu2, para rawuh, para asung bela sungkawa kakung sumawana putri ingkang tansah kula hormati.Wabil khusus keluarga ingkang nandang dukhita ingkang kula hormati lan mugi2 tansah pinaringan rahmat saha hidayah saking Allah ( اَللّهُ ) subhaanahu wa ta'ala.
Minangkani purwakaning atur, monggo sareng2 ngaturaken puji syukur dumateng Allah ( اَللّهُ ) subhaanahu wa ta'ala ingkang sampun paring kathah sanget nikmat2ipun dumateng kita sedaya amargi wonten kawontenan ingkang kados punapa kemawon nikmat Allah dumateng kita langkung kathah, awit saking menika kita kedah tansah emut lan tansan syukur.
Sholawat lan salam monggo kita aturaken dumateng nabi besar Muhammad ﷺ , mugi2 kita sedaya pikantuk syafaatipun kanjeng nabi Muhammad mbenjang wonten dinten kiamat.aaamiin (آمِيّنْ…)
Para rawuh ingkang kinurmatan...
Wonten ...siang ... menika kira sedaya sampun pirsa bilih panjeneganipun bpk/ibu... sampun katimbalan, sowan dumatheng ngarsanipun Allah subhaanahu wa ta'ala kanthi jalaran gerah sakwetawis wekdal, ingkang dumugi wanci menika dumugi yuswa ...tahun.Nilar garwa. Putra.... wayah...
Lain ing mriki kula minagkani pranata cara bidaling layon badhe ngaturaken menggah susunan acara wonten siang menika.
Acara ingkang angka setunggal Pambuka, acara angka kalih atur pambagyo hayu saking keluarga ingkang nandang dukhita sekalian atur bela sungkawa saking warga masyarakat Karangjati lan para asung bela sungkawa lan ugi saking pemerintahan desa Karangjati Kalijambe.Acara angka tiga doa, acara angka 4 panutup.
Para rawuh ingkang kula hormati, mangga kita wiwiti acara menika kanti maos basmalah sesarengan. Bismillaahirrahmaanirrahiim... Mugi2 kanthi wasilah waosan basmalah kala wau Allah ( اَللّهُ ) paring kelancaran.aaamiin..
Selajengipun Atur pambagya sekaligus atur bela sungkawa asking warga masyarakan lan ugi saking pemerintahan desa Karangjati ingkang bade dipun sarirani kaliyan Bapak... .Dumateng panjenenganioun bapak ... wekdal saha panggenan kula semanggaaken...
~~~~~~~~~~~~~~
Matur sembah nuwun...
Mekaten kala wau atur pambagya dalah atur bela sungkawa ingkan sampun dipun aturaken dening bapak....
Selajengipun waosan doa ingkang badhe dipun pimpin kaliyan bapak.... dumateng penjenenganipun bapak ... kula semanggaaken...
~~~~~~~~~~~~~~~~~~
Mekaten kala wau waosan doa sampun kalampahan kanthi sae, mugi2 Allah ( اَللّهُ ) paring pangapunten sedaya dosa saha kalepatan alm/almh... dipun tampi sedaya amal ibadahipun, dipun papan panggenaken wonten papan panggenan ingkang sae inggih menika suwarganipun Allah Subhaanahu wa ta'alaa.
~~~~~~~~~~~~~~~~
Selajengipun bidaling layon sekaligus panutup. Sakderengipun kula tutup, kula nyuwun agunging samudra pangeksami mbok bilih anggen kula matur wonten khilaf utawi lepat.Minggo kita tutup kanti waosan hamdalah sesarengan.. alhamdulillahi rabbil 'aalamiin.
Semanten saking kula, wa akhiru kalam wabillaahi taufiq wal hidayah wassalaamu 'alaikum warahmatullaahi wa baraakaatuh...
Tidak ada komentar:
Posting Komentar